Oor Ons

Wie is Ons

Die Evangelies-Gereformeerde Kerk van Suid-Afrika is 'n lewenskragtige, evangeliese kerk wat op 'n Gereformeerde grondslag berus. Ons reik die hand van vriendskap en welwillendheid na elke Christus-belydende kerk. Ons is 'n evangeliese kerk wat die Woord van God erken as geïnspireerd deur die Heilige Gees en daarom onfeilbaar is. Ons glo dat elke mens wedergebore moet word en daarna 'n pad van heiligmaking moet loop in 'n lewende verhouding met God. Verder verkondig ons genesing op grond van die wonde van Christus en het ons 'n sterk wederkomsboodskap en verwagting. Ons gemeente is daarop gerig om kinders van God toe te rus vir hulle dienswerk en, deur leerende prediking, hulle voor te berei vir die geestelike lewe.

Ons Visie

Die kerk is vasbeslote om kinders van God dissipels van Christus te maak. Ons konsentreer op 'n bediening met kinders en jeug, en dat gesinne gebou sal wees op sterk Bybelse waardes. Ons doen baie uitreike en kampe om hierdie doel te verwesenlik. Deur veranderde lewens dra ons ook die evangelie uit na 'n wêreld in nood. Ons werk plaaslik, asook op die sendingveld.

Met nederigheid kan gesê word dat die Kerk waaksaam bly oor wêreldgebeure en verwikkelinge, sodat raad en geestelike leiding gebied kan word teen die verleidende geeste wat miljoene mislei in hierdie laaste dae, voor die wederkoms van Christus 

Die Scholtz-Familie: ’n Hart vir Jesus en Ons Gemeente

Ds. Riko en Yolande Scholtz, saam met hul drie kinders, is ’n dinamiese span in die EG Kerk Randfontein. Hulle leef as ’n voorbeeld van Jesus se liefde en dien met ’n opregte hart. Hul doel is om Jesus se boodskap duidelik oor te dra en om ’n geestelike tuiste te bied vir almal wat die Here liefhet.

Ons is geseënd om hierdie gesin as deel van ons gemeente te hê – hulle inspireer ons om elke dag nader aan Jesus te leef.

Ontmoet ons Span

Ons Geloofsoortuigings

Hy is die Seun van God, asook God die Seun. Die Bybel vertel vanaf Genesis 1:1 dat God 'n Drie-Enige God is en dat alles geskep is deur Jesus, wat die Woord van God is (Johannes 1:1). Daarom het Hy mens geword om 'n volmaakte versoening vir die gevalle mensdom te bewerk. Deur Sy kruisdood is daar redding, vergifnis, regverdigmaking, en 'n nuwe lewe in Hom. Nou sit Hy aan die regterhand van die hemelse Vader en tree vir ons in as die ewige Hoëpriester. Sy kerk wag vir Sy wederkoms, wanneer Hy Sy bruid kom haal met die wegraping (1 Thessalonisense 4:16), waarna die donker tyd van die groot verdrukking sal volg, wat sal uitloop op Israel se aanvaarding van Jesus as hulle Messias. Die groot verwagting is dat Jesus sal terugkeer na die aarde, en volgens die profesieë van die Bybel weer Sy voet op die Olyfberg sal sit (Sagaria 14:4-5). Daarna sal Hy regeer vir 1,000 jaar as Koning van konings. Vandag is Hy ons Verlosser en Saligmaker, en eendag kom Hy as die Regter om te regeer.

Ons glo dat die Bybel die onveilbare Woord van God is, geeinsporee deur die Heilige Gees het manne van God geskrywe. Daarom is alles in die Bybel waar en ewig. Daarom kan ons nie die Woord van God verander of interpiteer tot ons moderne eeu nie. Die standaarde en wette van God staan onveranderd vas. Daarby moet die Woord van God letterlik vertolk word, al bevat dit baie somboliek en beeldspraak, moet die Woord letterlik vertolk word. Daar is talle bewyse van die onfeilbaarheid van die Bybel, die eerste is dat dit profesiee bevat wat nie in ander geestelike geskrifte staan nie. Elke profesie word 100% waar tot in die fynste besonderhede. Daar is bv. 321 voorspellings van Christus se koms, wat in detail beskryf hoe Hy sou kom, waar gebore, wat Hy sou doen en hie Hy sou sterf. Elke profesie het waar geword, en ons weet dat die wederkoms gebeure ook presies sal waar word. Wat ook uiters belangrik is, is die plek wat Gid se Woord inneem in ons lewens. Ons preek die Woord, en verklaar dit in konteks. Want die Bybel verklaar die saligheids plan van God, dit verklaar God se wil en plan met die mensdom, en voorspel die toekoms tot in die ewigheid wat voorle. So moet elke kind van God die Woord verstaan en ken! Daarom het ons gemeente ook n bybelskool om kinders van God toe te rus. Die Bybel word jou padkaart vir jou geestelike lewe en jou voedsel vir elke dag.

Die Kerk stel hom ten doel om 

Die Drie-Enige God te verheerlik en sy Koninkryk uit te brei 

Die suiwere vrymakende evangelie, wat in staat is om te red en lewens te verander, met ywer in krag van die Heilige Gees te verkondig – die doel is dus om die evangelie tot sy reg te laat kom, nl. om mense eers vertikaal met God te versoen en dus hul verhouding met God reg te stel, waarna ‘n veranderde hart en nuwe lewe lei dan noodwendig tot ‘n horisontale versoening en ‘n gepaardgaande beter verhouding tussen mense 

Voortdurend te streef na vernuwing, asook varsheid van getuienis, ondervinding en boodskap, om daardeur te waak teen verval in dooie formalisme. Leersuiwerheid moet gepaard gaan met egte lewensvroomheid 

Om hom te beywer vir die kragtige uitbreiding van die Kerk van Christus en dit word vermag deur die kinders van die Here op te roep tot ware Bybelse Heiligmaking en Vervulling met die Heilige Gees en so to te rus vir hulle dienswerk 

Om as Kerk dinamies te wees vir tyd en om in die geestelike behoeftes en nood van mense te voorsien 

Om ‘n ware tuiste te wees vir evangeliesgesinde gelowiges, wie se erns dit is om geestelik te groei en die Here te dien in ‘n Evangeliese-Gereformeerde atmosfeer, waarin die Heilige Gees werksaam is 

Om elke gelowige binne die Kerk ruimte te gee om met sy/haar besondere gawes te werk vir uitbreiding van die Koninkryk van God in die wêreld, d.w.s. ‘n egte belewenis vir aktiewe deurleefde Christenskap 

Om die gemeente in die algemeen en in elke lidmaat afsonderlik effektief te versorg deur middel van persoonlike belangstelling en toegespitste ampsbediening van Leraar en Kerkraad in getroue huisbesoek en voorbidding 

Om die getroue toepassing van die norme van die Woord van God te handhaaf 

Die Bybel is die onfeilbare en ewige Woord van God en is woordeliks geïnspireer 

God is enig in Wese en tog onderskeie in drie Persone, nl. Vader, Seun en Heilige Gees 

Jesus is die ewige en enige Seun van God, wat die enigste Middelaar tussen God en die mens is 

Die mens is van nature in ‘n vervalle toestand. Sy totale verdorwenheid en onvermoë tot geestelike deugde maak Wedergeboorte noodsaaklik om die Koninkryk van God te kan beërwe 

Die verlore sondaar kan redding uit sy verlore toestand alleen deur die genade bekom, deur geloof in die plaasvervangende dood en die gegote bloed van Jesus Christus ons Heer, opgestane Heiland en Verlosser 

‘n Persoon moet deur belydenis en bekering van sonde Jesus Christus bewustelik aanneem as persoonlike Saligmaker en Verlosser, waar God die werk van Wedergeboorte in die hart van die mens doen, sodat hy hemel toe kan gaan. Wedergeboorte is dus ‘n daad wat God doen op grond van die Versoeningsbloed van Christus, wat die mens bewustelik in hierdie lewe ondervind en waardeur hy sekerheid van saligheid ontvang 

Die Vervulling met die Heilige Gees vir die kind van die God is noodsaaklik. Dit stel hom/haar instaat om heilig en oorwinnend te lewe asook om vir God te getuig en siele vir Christus te wen – d.i. die ampsbediening van die gelowige 

Die ware Kerk, die liggaam van Christus, bestaan uit almal wat weergebore is oor die ganse wêreld, van watter taal, land of nasie hulle ook mag wees. Daarom mag alleen hulle wat lede van hierdie Kerk is as lidmate van die Gemeente en so van die Kerkgenootskap toegelaat word 

Jesus Christus, aan die regterhand van God die Vader, waar Hy nou vir Sy kinders voorspraak doen, is die enigste Hoof van die Kerk 

Christus se groot sendingopdrag aan sy Kerk, “Gaan die hele wêreld in en verkondig die evangelie aan die ganse mensdom”, moet gehoorsaam word deur plaaslike en wêreldwye evangelisasie 

Die persoonlike Wederkoms van Jesus Christus voor die 1000 jarige Vrederyk word bely. (Die Wederkoms van Christus geskied in twee fases. By die eerste fase, wat net tot in die lug sal wees, kom Jesus sy kinders wegneem. By die tweede fase kom Hy tot op die aarde om hier saam met sy heiliges te regeer). Hierdie beskouing van die Wederkoms staan bekend as Chiliasme 

Die Kerk bely die opstanding van die verlostes tot die ewige lewe en vreugde in die hemel en die opstanding van die verlorenes tot die ewige straf – die poel van vuur