Gebedsondersteuning

 in Tye van Nood

Gebedsondersteuning in Tye van Nood is ‘n toegewyde WhatsApp-groep waar ons as gemeente in liefde en geloof saamstaan om te bid vir diegene wat deur moeilike omstandighede gaan. Of dit nou gesondheidsprobleme, ‘n krisis, of enige ander noodsituasie is – ons glo dat gebed kragtig is en dat ons saam vir mekaar kan intree.

Wanneer ons hoor van iemand wat gebed nodig het, plaas ons hul naam op die groep en almal word uitgenooi om saam te bid. Ons vertrou dat God in elke situasie kan ingryp en dat Hy hoop en heling bring waar dit die nodigste is.

Hoe werk dit?

Gemeentelede kan enige tyd ‘n gebedsversoek instuur vir iemand in nood.
Die groep verbind hulself tot gebed vir elke versoek, sodat niemand alleen deur hul uitdagings hoef te gaan nie.
Sluit aan by Gebedsondersteuning in Tye van Nood en wees deel van ‘n span wat in geloof staan vir diegene wat ‘n bietjie ekstra krag, vertroosting en deernis nodig het.